Sandra Huld

11.6.2007 | 19:41

Gúrkutíð vaðandi í villum...

Þetta kallar maður nú gúrkutíð í fréttamennsku.... og svo er greinilegt að villupúkinn hefur ekki fengið að leika sér með textann fyrir birtingu.

Svo er náttúrulega alveg magnað að ég skuli eyða tíma í að blogga þessa stórmerkilegu og skemmtilegu frétt

Mynd 430329 Þetta grágæsarpar með unga sína brást ókvæða við þegar ljósmyndari nálgaðist meira en góðu hófi gengdi. Þær hvæstu og breiddu út vængi til að koma því til skila að næruveru var ekki óskað. Það er mikið að gerast í náttúrunni þessa daganna og þó veröldin virðist ljúf á yfirborðinu gildir það eitt að nota þau ráð sem duga til að komast af.

	Hingað og ekki lengra
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 19:47 | Facebook

Athugasemdir

Bíddu, ef þú talar um grágæsapar... og segir síðan strax "þær hvæstu".... þær parið, er það ekki líka svolítið vitlaust.

Að nærveru væri óskað, er það ekki líka aðeins réttara....

Sveinn Arnarsson, 11.6.2007 kl. 21:37

Jú mikið rétt Sveinn, þetta á að vera "þær hvæstu". Ljómandi góð ábending, bæti undirstrikun við!

Sandra Huld , 11.6.2007 kl. 21:50

Æ, get ekki breytt eigin athugasemd, var aðeins og fljót á mér. Rétt er að segja, "Það hvæsti" ef talað er um gæsaparið en "Þær hvæstu" ef talað er um einstaka gæsir. Spurning hvort blaðamaður hafi átt við parið eða einstaka gæs Leyfi honum að njóta vafans!

Sandra Huld , 11.6.2007 kl. 21:57

"var aðeins og fljót á mér" Þetta getur gerst hjá bestu mönnum ( Þá verða menn að átta sig á því að konur eru menn). Annars finnst mér hreint ótrúlega skemmtilegt hvernig hægt er að velta sér upp úr smá atriðum. Reyndar kaupi ég allar vinsamlegar ábendingar um hvað betur má fara . Það er náttúrulega helv... bjálfalegt að hafa 2 n í daganna en að öðru leyti er nú um innsláttarvillur að ræða sem gerist þegar hratt er unnið og yfirlestur ekki vandaður. Það er bara það sem mér finnst svolítið dapurt að fólk komi ekki auga á hið smáa og fagra í kringum sig og agnúast út af fréttum sem þessum. Það eru margir orðnir þreyttir af drápum, slysum og hörmungum hverskonar og finnst bara hlýleg tilbreyting í því að fá svona litlar sögur úr sveitinni. Með vinsemd

Sá sem skrifaði þessa litlu frásögn og tók myndina

Jón Sigurðsson (IP-tala skráð) 11.6.2007 kl. 22:59

Haha góður Einar - Hallgerður næruvera hehe

Næruvera er komið í orðaforðann hérna megin...

Jú það er rétt Jón að það er gaman að fá svona fréttir inn á milli og hlýleg tilbreyting... Vekur allavegana athyglina hjá mér... mætti jafnvel vera meira af svona fréttainnskotum :)

En hvað um það... maður hefur nú verið að taka eftir því að það hefur verið dálítið um stafsetningar- og málvillur á www.mbl.is undanfarið - ekki að það sé alslæmt því við Sandra skemmtum okkur alveg konunglega oft yfir þeim Hver man ekki eftir rúðunni sem brotnaði á annarri hæð í miðbænum og fór í höfuðið á stúlku sem var á gangi á gangstéttinni fyrir neðan. En sem betur fer þá slasaðist ekki stúlkan og allt fór betur en á horfðist því það mátti lesa út úr fréttinni að rúðan hafði verið með húfu...