Leita í fréttum mbl.is

Húkkaraball á Gauknum

Ég fór á mjög skemmtilega tónleika í fyrrakvöld á Gauknum með þeim snillingum í Á móti sól með Magna í fararbroddi ásamt ástralska hönkinum Toby Rand sem var mættur á svæðið ásamt bassaleikara hljómsveitar sinnar.  Þetta var upphitun fyrir Þjóðhátíð í Eyjum sem ég er þó ekki svo heppin að vera að fara á Frown  Strákarnir spiluðu fullt af góðum íslenskum lögum en þegar Toby var með var mest spilað af lögum með U2 sem var bara í góðu lagi.  Það var rosa stemning á svæðinu, alveg fullt út að dyrum og sjúklega heitt, var byrjuð að svitna eins og "sillybilly" um leið og ég steig inn um dyrnar.  Þetta er í fyrsta skipti sem ég fer út á lífið síðan reykingabannið tók gildi og þvílíkur munur, það hefði verið óbærilegt þarna inni ef fólk hefði verið púandi sígarettur í þessari hitasvækju. Það var rosastuð á öllum á svæðinu og þó það væri ekki nema miðvikudagskvöld var djammfílingur á liðinu, meira að segja það mikið "stuð" að það brutust út slagsmál á dansgólfinu og fullt af stelpum voru dansandi mis eggjandi dansi uppi á stólum og ein var búin að hneppa frá blússunni.... Shocking  Ég og vinir mínir skemmtum okkur allavega konunglega og þetta var sko skemmtileg tilbreyting svona á annars venjulegu miðvikudagskvöldi!  Morguninn eftir var þó ekki alveg jafn skemmtilegur... hehe... en maður er nú ungur og sefur bara seinna.

Flestir vinir mínir eru flognir til Eyja og þar er víst geðveikt stuð og góður fílingur enda er búið að rætast heldur betur úr veðrinu.  En nei, ég bara húki í bænum eins og er og fæ reglulega send sms og myndir frá Eyjum. 

Góða helgi allir saman og njótið lífsins Kissing


Tara hans Vidda

Viddi vinur var að fá sér Schäfer hvolp sem er 8 vikna og er hún ekkert smá sæt.  Hann gaf henni fallegasta hundanafn í heimi... Tara Wink  Til hamingju með litla krúttið, Viddi og Inga.  Hlakka til að hitta hana.  Hér er mynd af Töru Vidda!

Tara hans Vidda


Ógætilegur akstur í Breiðholti

Ég bara verð að koma því að hérna að ég varð vitni að rosalega ógætilegum akstri í Breiðholti hálf tólf í morgun.  Ég var á leið norður Breiðholtsbrautina og lenti á rauðu ljósi á gatnamótunum við Suðurfell.  Það voru tveir bílar sem voru að fara yfir gatnamótin á beygjuljósi (ein akrein) og síðari bílnum lá líka þessi ósköp á að hann reyndi í raun að taka fram úr fyrri bílnum á gatnamótunum.  Þessi akstur leiddi til þess að það var næstum búið að keyra á konu með ungt barn en þau voru að ganga yfir götuna á grænum göngukarli.  Þetta var það tæpt að ég var ósjálfrátt búin að taka af mér öryggisbeltið til að vera fljótari að hlaupa út....  Þarna stóð á tæpasta vaði og bílstjórinn virtist ekkert kippa sér upp við þetta og ók bara áfram eftir að konan og barnið voru hólpin, sem virtust frekar skelkuð eftir þessa reynslu.  Hvað getur maður gert, ég tók niður bílnúmerið og blótaði bílstjóranum, en that's it! 


mbl.is Franskur ökuþór vísar íslenskum lögum á bug
Tilkynna um óviðeigandi tengingu við frétt

Jeminn hvað ísinn er dýr í Snælandsvideo!!!!!!!

Ég held ég hafi farið hrikalega illa út úr viðskiptum mínum við Snælandsvideo áðan.  Mig langaði skyndilega í ís og þar sem það var fullt út úr dyrum á ísbúðinni "minni" í Úlfarsfelli ákvað ég að koma við á Snælandsvideo í Furugrund í Kópavogi.  Ég keypti 1/2 L af ís og lítið box af heitri karamellusósu og borgaði rúmar 800 kr. fyrir herlegheitin Shocking  Halló, er þetta eðlilegt verð????  Mér finnst ég allavega hafa verið tekin illilega í ........  Hvað kostar þá 1 L með sósu, ég bara spyr!!! 


Mávur hnuplar kartöfluflögum!

Þvílík snilld, ég elska svona fréttir.  Það er mávur sem hefur gert það að vana sínum að stela poka af kartöfluflögum úr búð einni í Skotlandi og notar hvert tækifæri sem gefst.  Hann stelur víst alltaf sömu tegundinni og deilir svo fengnum með hinum fuglunum.

Myndaskot má sjá í fréttatímanum á Stöð 2 í kvöld og ef farið er á www.visir.is og smellt á VefTV er hægt að finna fréttatímann.  Þessi frétt er kl. 21:43.  Myndbandið er líka að finna á vef BBC http://news.bbc.co.uk   Alveg þess virði að kíkja á þetta LoL


Við erum ótrúlegir ökumenn..

Við Íslendingar erum oft á tíðum svolítið sjálfselskir ökumenn.  Við hugsum bara um það eitt að komast milli A og B á sem stystum tíma og þó það þurfi að beygja nokkrar umferðarreglur..... shit happens!!!  Það mætti halda að heimurinn færist ef við tækjum tillit til annarra í umferðinni.  Það ætti ekki að vera mikið mál að hægja aðeins á sér á þessum stutta vegkafla sem um ræðir hér.  Ég gæti haldið endalaust áfram að rausa um umferðar(ó)menningu íslendinga en það verður að bíða betri tíma Wink
mbl.is Lögregla kölluð til vegna tillitsleysi ökumanna
Tilkynna um óviðeigandi tengingu við frétt

Var klukkuð!

Jæja, það kom að því.  Hinn góði drengur Einar Elí klukkaði mig um daginn sem þýðir víst að ég þarf að telja upp 8 atriði um mig og senda svo klukk á einhvern annan sem þarf að gera hið sama.  Svo hér kemur sannleikurinn um mig!!

1. Ég get verið agalega smámunasöm stundum og jaðrar það stundum við fullkomnunaráráttu. 

2. Ég ELSKA mat og ef það væri heilbrigt að vera í laginu eins og epli þá væri ég sennilega epli.  Til að fullkomna máltíðina þarf smá sætindi á eftir, svona eins og einn suðusúkkulaðimola.

3. Ég er svolítil jeppastelpa og vil helst bara aka um á jeppa allan daginn.  Mér finnst rosalega gaman að keyra og á það til að fara á rúntinn.  Kannski þarna sé komin ástæða þess að ég bý í "sveitinni" þar sem það er langt í allt!

4. Hvorki grænmeti né vatn er gott á bragðið, nema einstaka rauðlaukur, sveppir og paprika eru í lagi.  Kál og gulrætur er bara fyrir kanínur og enginn getur sannfært mig um að það sé bragðgott.  Til að salat sé ætt þarf að baða það í fetaosti fyrst.  Ég drekk aðeins vatn þegar ég stunda hvers konar líkamsrækt og þegar ég ætla að vera súper heilbrigð.

5. Ég er rosalega klígjugjörn, bæði á ýmsa lykt og áferð matar.  Þannig get ég varla farið inn í sápu og ilmvatnsbúðir og get alls ekki borðað svona fína osta eins og Camembert.  Að sama skapi er ég ekki mikið fyrir sósur og smjör get ég alls ekki borðað. 

6. Ég er sennilega svolítið óþreyjufull og get með engu móti bara setið og gert ekki neitt.  Verð alltaf að hafa eitthvað fyrir stafni.

7. Sá á kvölina sem á völina - ég bara get ekki valið á milli möguleika sem eru í boði, sem gerir mig sennilega að dæmigerðri vog.

8. Að lokum verður að viðurkennast að ég er pínu brussa og klaufi og get seint talist kvenleg og prúð ung stúlka Wink

Vonandi hefur þetta varpað einhverju ljósi á mig.  Ég er hins vegar svo margslunginn persónuleiki að ég gæti vel haldið áfram með listann..... Þetta er samt komið nóg í bili en ef einhver er að farast úr spenningi þá bara hafa samband!! 

Ég held ég verði að láta klukkið ganga áfram og skelli því klukki á þær kátu stúlkur Evu og Ingu Rúnu.  Ó já, það sleppur sko enginn.... vúhahaha....


Kennir kannski lexíu

Mikið er gott að heyra að hundurinn er á lífi, sem er alveg ótrúlegt miðað við kuldann sem hefur verið fyrir norðan að undanförnu.  Vonandi verður þetta til þess að fólk hugsi sig tvisvar um áður en það fer að dæma fólk og draga ályktanir hægri vinstri án þess að hafa nokkuð fyrir máli sínu.  Við erum vitsmunamanneskjur og skulum því venja okkur á að haga okkur svoleiðis.  Reiðin getur oft leitt mann í villu. 


mbl.is Hundurinn Lúkas á lífi
Tilkynna um óviðeigandi tengingu við frétt

Stulli er sönn hetja

Stulli er alveg ótrúlegur drengur en ég er svo heppin að hafa kynnst honum þegar ég vann í skólanum sem hann er í, Vatnsendaskóla.  Hann kíkti annað slagið til mín á skrifstofuna og sagði mér frá risaeðlum og við leituðum að flottum risaeðlumyndum á netinu og prentuðum þær út.  Hann er svo ótrúlega skrapur strákur að ég átti það til að gleyma því hvað hann er ungur.  Hann hefur sýnt manni að það er svo margt hægt með viljanum og gleðinni einni saman.  Gangi þér áfram vel Stulli minn - þú ert sko sönn hetja Smile

dinasour

Plateosaurus


mbl.is Þorsteinn Sturla lætur taugahrörnunarsjúkdóm ekki slá sig út af laginu
Tilkynna um óviðeigandi tengingu við frétt

Zoolander

Ég sá myndina Zoolander í sjónvarpinu fyrir nokkru og kom hún skemmtilega á óvart.  Myndin er algjör snilld, bara fyndin og kjánaleg, pottþétt eitthvað sem mig langaði að eignast á DVD.  Leitin langa hófst og eftir að hafa leitað hér heima í nokkra mánuði ákvað ég að panta hana frá HMV í UK og með þessum kjánalegu tollmeðhöndlunargjöldum kostaði hún mig 1800 kr.  Mikið var ég ánægð með kaupin.  Ég átti erindi í Elko áðan og viti menn, hvað haldið þið að ég hafi rekist á?  Ó jú, Zoolander á 750 kr Frown  Mikið er þetta samt dæmigerð ég.  Til að lina sársaukann aðeins er mín útgáfa af diskinum "special edition" með fullt af aukaefni.

Ferðin í Elko var þó til fjár því ég fann 2000W Siemens ryksugu sem var á 5 þús. kr. afslætti (B-vara) því það var búið að opna kassann - algjör snilld.  Hún er meira að segja í gullfallegum lit, dökkblá, með alls kyns fylgihlutum og 4 hjólum sem öll snúast í 360°.  Get varla beðið með að prófa hana Wink  Ég datt nefnilega í miklar ryksugupælingar og langaði allt í einu svo rosalega í almennilega og kröftuga ryksugu, einhverja sem er gaman að nota og tekur öll hundahár af gólfunum.  Ég var svo djúpt sokkin í þetta að ég var farin að leita að ummælum um ryksugur á netinu.... frekar sjúkt.  Ryksugan fína verður prófuð um helgina Tounge

Góða helgi!!


« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband