Leita í fréttum mbl.is

... og hvað kostar það??

Nú er ég aldeilis hissa, á virkilega að fara að eyða peningum í nafnabreytingu á bönkunum enn og aftur????  Þetta er ekki ódýrasta aðgerðin sem stofnun af þessari stærðargráðu fer í. Bruðl með peninga, ekkert annað.
mbl.is Nýi Glitnir verður Íslandsbanki
Tilkynna um óviðeigandi tengingu við frétt

Ganga í Reykjavík endar á heilsugæslunni í Hveragerði

Þessi frétt er einstaklega skemmtileg aflestrar, svolítið "tragí-kómísk".... undarlegt að vera drengur í gönguhópi í Reykjavík, lenda í hver og vera fluttur á heilsugæsluna í Hveragerði Woundering  Vonandi þó að drengnum heilsist vel Smile


mbl.is Tilkynnt að kona hefði fallið í hver
Tilkynna um óviðeigandi tengingu við frétt

Glatað!

Ja hérna hér, þetta myndband er ekki fyndið né skemmtilegt á neinn hátt..... sorry people GetLost og ekki er hægt að segja að það sé flott eða glæsilegt! 

Dæmi um skemmtilegt og töff Eurovision myndband er myndbandið sem var gert við lagið "All out of luck" sem Selma söng og dæmi um glæsilegt og vandað myndband er það sem gert var við lagið sem Jónsi söng, "Heaven".

En það geta ekki allir verið sammála Wink


mbl.is „Fyndnasta og skemmtilegasta Eurovision myndbandið "
Tilkynna um óviðeigandi tengingu við frétt

Vanþakklæti - ég skal bjarga einni könnu!

steltonÆ hvað fólk getur verið vanþakklátt stundum.  Ég yrði í skýjunum ef ég fengi þessa glæsilegu Stelton kaffikönnu í jólagjöf, í hvaða lit sem er.

Ég skal glöð kaupa eitt stykki af einhverjum ólánsömum eiganda rauðrar Stelton kaffikönnu á góðum prís - hafið bara samband Wink


mbl.is Jólagjöf Glitnis of rauð
Tilkynna um óviðeigandi tengingu við frétt

Gripaflutningar Ferðaskrifstofu Íslands (Sumarferðir, Plús ferðir & Úrval útsýn)

Ég var svo heppin að fá tækifæri til að halda jólin í ár hátíðleg á eyjunni Tenerife á Spáni með manninum mínum og fjölskyldunni hans.  Við vorum á suður hluta eyjarinnar og á svæði sem heitir Playa de las Américas.  Þetta er frábær staður og alveg hellingur sem hægt er að gera ef maður hefur ekki mikla þolinmæði að sitja og láta sólina steikja sig.  Við áttum öll mjög góðar stundir þarna og held ég að þessi jól séu með þeim bestu sem ég hef átt.  Hótelið sem við bjuggum á í 10 daga heitir Marylanza Golf Resort og er 4* nýlegt íbúðarhótel og er staðsett við golfvöllinn og er í um 15 mín göngufjarlægð frá aðal bæjarsvæðinu og ströndinni. 

Það var aðeins eitt sem skyggði á frábæra ferð og það var flugið.  Ferðin var keypt af ferðaskrifstofunni Sumarferðir sem er ein þriggja ferðaskrifstofa sem er í eigu Ferðaskrifstofu Íslands, en auk Sumarferða eru Plús ferðir og Úrval útsýn í þessari "grúppu".  Það er spænska flugfélagið Futura sem sér um flugið til Tenerife og það er spænsk áhöfn í vélinni, sem skiptir reyndar engu máli.  Að vísu var einn íslenskumælandi flugliði í áhöfninni.  Flugið til Tenerife tekur um 6 klukkustundir og þetta voru lengstu 6 tímar sem ég hef nokkru sinni upplifað og nú hef ég hingað til elskað að fljúga.  Á leiðinni út vorum við flutt yfir Atlantshafið í gamalli Boeing 737-800 vél þar sem var búið að koma fyrir 33 sætaröðum sem gera 198 farþegar í einu og sama farrýminu..... þvílíkum gripaflutningum hef ég aldrei lent í.... við vorum eins og sardínur í dós og eftir 6 tíma flug lá við að farþegarnir væru búnir að stofna kommúnu, við vorum orðin svo tengd!!!  Ég prófaði að "gúggla" Boeing 737-800 og þegar ég skoðaði niðurstöður myndleitar sá ég hvergi þessa þéttu sætaskipan.  Ég er blessunarlega ekki nema 160 cm. á hæð svo ég komst í sætið mitt en sama er ekki hægt að segja um manninn minn sem er rétt tæplega 190 cm á hæð!  Á heimleiðinni vorum við sem betur fer í nýrri gerð af 737-800 og var hún aðeins rýmri, með sjónvarpsskjáum en samt með 33 sætaröðum.  Mér finnst glæpur að leggja þetta á farþega í svona löngu flugi og þar sem þetta er desemberferð er aldur farþega öllu hærri en gengur og gerist og ég get ekki ímyndað mér að þetta sé hollt fyrir eldra fólkið að sitja svona þröngt í 6 tíma og sökum þrengsla í vélinni var takmarkað hægt að standa upp til að koma hreyfingu á blóðið. 

Svona stórar ferðaskrifstofur eiga ekki að bjóða viðskiptavinum sínum upp á þetta.  Þeir eiga að útvega almennar flugvélar þar sem betra rými er fyrir farþegana, fækka farþegum og rukka frekar örlítið meira á hvern farþega ef það er málið.  Eftirspurnin eftir ferðum út yfir jólin er greinilega gífurleg en það er engum greiði gerður, nema kannski ferðaskrifstofunum, að troða svona mörgum í sömu vélina.  Mig langar gífurlega mikið að fara aftur til Tenerife þar sem þetta er frábær staður með marga möguleika en ég er hreinlega ekki viss um að ég leggi þetta flug á mig aftur og þá mun ég allavega útvega góðar svefntöflur fyrst!!  Líklega mun ég skoða hvaða möguleika erlendar ferðaskrifstofur bjóða upp á sem er út af fyrir sig fáránlegt þegar 3 íslenskar stofur bjóða upp á ferðir til Tenerife.

Það er smá sem ég verð að koma hér á framfæri líka og það er tímasetning flugferðanna.  Ég fór út 17. desember og átti flug heim 28. desember sem gera 11 daga ferð.... en nei reyndar voru þetta ekki nema 9 dagar þegar upp var staðið því við lentum úti kl. 22 á staðartíma þann 17. og brottför var kl. 9 um morguninn þann 28.12.  Við vorum komin á hótelið rétt fyrir miðnætti og vorum farin af hótelinu fyrir 7 um morguninn.... en æ svona er þetta leiguflug sennilega bara!

Smá "hint" til verðandi ferðalanga til Tenerife:  athugið hvar hótelið ykkar er staðsett áður en þið festið kaup á rútuferðunum frá og til flugvallarins því það gæti margborgað sig að taka leigubíl frá vellinum.  Það mun að öllum líkindum spara bæði tíma og peninga.... allavega mun það verða mitt val næst að ferðast á eigin vegum!

En að skemmtilegri hlutum.  Tíminn á Tenerife var FRÁBÆR, hótelið var flott, bærinn æðislegur, veðrið milt og yndislegt og alveg heilmargt hægt að hafa fyrir stafni.  Svo voru ferðafélagarnir ekki af verri endanum.  Fyrsta daginn rigndi reyndar svo allsvakalega að það mynduðust flóð á götunum og varð veðrið aðal fréttaefni dagsins (bara eins og hér heima!).  Næstu daga var ýmist heiðskýrt eða hálfskýjað og hitinn var um 25° á daginn og um 19° á kvöldin.  Það var heilmikið skemmtilegt brallað.  Svæðið var vel kannað á tveim jafnfljótum og fundust nokkrar stórskemmtilegar búðir sem hægt var að strauja kortið í Wink  Við tókum líka bílaleigubíl í tvo daga og ferðuðumst m.a. upp í fjöllin þar sem við náðum hæst 1.400 m hæð á bílnum en svo fórum við upp á hæsta fjall Spánar, El Teide, sem er í samnefndum þjóðgarði.  Fjallið er 3.719 m á hæð en hægt var að komast upp í 3.600 m hæð með kláfi sem var auðvitað alveg magnað, en alls ekki fyrir lofthrædda!  Annars var markmið ferðarinnar að hafa það notalegt og slappa af og ég tel að því markmiði hafi vel verið náð.  Ég mæli eindregið með því að fólk prófi að fara svona út í desember og sleppa þannig við allt jólastressið sem sumir lenda í.

Ég læt þetta duga í bili, smelli kannski nokkrum myndum hér inn við tækifæri Cool


Sé þetta alveg fyrir mér ...

Ég elska svona fyrirsagnir sem ná athygli manns og fá mann til að brosa út í annað.  Innihald fréttarinnar er mjög jákvætt og fínt að Landbúnaðarnefnd Borgarbyggðar láti sig málið varða.  Það fyrsta sem mér datt hins vegar í hug voru dansandi kýr með spenana út í loftið og með rauðan varalit....  en kýr eru reyndar í miklu uppáhaldi hjá mér.  Það er eitthvað svo skemmtilegt við þessi húsdýr, veit samt ekki alveg hvað það er.  Fann þessa stórsniðugu mynd sem mér finnst eiga stórvel við hér! 

dancing_cow

 


mbl.is Landbúnaðarnefnd leggst gegn nektardansi
Tilkynna um óviðeigandi tengingu við frétt

Ama Dablam í Himalaya

Ég hef ekki mikið að segja þessa dagana, bara fullt að gera í skólanum.  Mig langar að benda ykkur á leiðangur nokkurra íslenskra garpa til Nepal.  Þetta er leiðangur Viðars Helgasonar, Simon Yates og Ingvars Þórissonar á Ama Dablam í Himalaya en þeir ætla að klífa tindinn Ama Dablam.  Með þeim í för er líka Tolli sem ætlar að ganga á Island Peak og svo er á leiðinni út til þeirra Hulda kunningjakona mín en hún ætlar að vera í grunnbúðunum.  Grunnbúðirnar eru í 4.600 m hæð, sem er í talsvert meiri hæð en hæsti tindur okkar Íslendinga, og tekur um 5 daga að ganga þangað upp með hæðaaðlöguninni.  ama-dablam

Ama Dablam er 6.856 m hár tindur í Himalaya er á Khumbusvæðinu steinsnar frá Everest og er einn tilkomumesti tindurinn á svæðinu. Nafnið þýðir Móðir og hálsfesti hennar. Þaðan er tilkomumikið útsýni yfir þekktustu fjöll Himalaya; Everest, Lhotse, Pumori og Cho Oyu. Uppganga á Ama Damblam krefst klifurs bæði í ís og klettum en fjallið hefur verið talið nokkuð „öruggt“ þar sem ekki er mikil snjóðflóðahætta á leiðinni. Þó fórust þar 6 í snjóflóði síðastliðið haust og einn klifrari lést í janúar á þessu ári. (uppl. af bloggsíðu leiðangursins.)

Hægt er að fylgjast með ferðum þeirra á www.amadablam.blog.is


Njóttu vel og viturlega!

Þetta er stórgóð upphæð, get ekki annað sagt.  Ég ætti kannski að spila með, líkurnar eru vissulega til staðar Cool
mbl.is Íslendingur vann 105 milljónir í Víkingalottói
Tilkynna um óviðeigandi tengingu við frétt

Er verslun ekki að fara út í öfgar?

Hvert stefnir þetta stóra neysluþjóðfélag eiginlega? Að bjóða upp á lausasölulyf eins og verkjalyf í sjálfsala er alveg stórfurðuleg hugmynd að mínu mati.  Hér á höfuðborgarsvæðinu eru 3 apótek sem eru opin til kl. 23:30 alla daga, eitt sem er opið til kl. 23 og eitt sem er opið til kl. 21 alla daga.  Flest apótek opna svo kl. 9 á morgnana.  Ef við getum ekki verslað á þessum rúma opnunartíma er ekki alveg í lagi hjá okkur.  Við erum orðin allt of vön því að geta verslað hvenær sem við viljum, á hvaða tíma sólarhrings sem er.  Verslanir eru opnar alla daga og flestar um helgar líka.  Auðvitað er þetta bara svona ýkt hérna á höfuðborgarsvæðinu en fyrst landsbyggðarbæjir eins og Akureyri komast af án svona opnunartíma af hverju getum við það ekki líka?  Á Akureyri er lengsti opnunartími apóteks til kl. 19 á virkum dögum og til kl. 17 um helgar.

Opnunartíminn er að fara út í öfgar.  Verslunarmiðstöðvarnar eru opnar allar helgar, frameftir kvöldi á fimmtudögum, bókabúðir eru farnar að hafa opið til kl. 22 á kvöldin, Blómaval og Húsasmiðjan opið til kl. 21 á virkum dögum og BT opið til kl. 22 á virkum dögum.  Það er aldeilis sem maður getur dundað sér í búðunum!

Held við ættum að taka okkur Dani til fyrirmyndar sem svo oft áður.  Þar er opnunartíminn innan marka sem gæti kallast eðlilegur.  Opnunartíminn er á við venjulegan vinnudag og yfirleitt eru verslanir að loka kl. 18 þó einstaka stærri verslanir séu að hafa opið til kl. 20.  Stærri verslanir eru oftast með opið á laugardögum til kl. 17.  Almennt er ekki opið á sunnudögum en þó er það þannig að verslanir hafa leyfi til að hafa opið fyrsta sunnudag í mánuði og þá til kl. 17.  Þetta eru verslunarmiðstöðvarnar að nýta sér. 

Viljum við ekki eyða meiri tíma með fjölskyldu okkar og vinum frekar en að vinna frá okkur allt vit?  Viljum við ekki frekar verja þeim tíma sem við eigum með fjölskyldu okkar og vinum annars staðar en í verslunum?  Mér finnst ég heyra allt of oft að fjölskyldufólk sé að gera sér dagamun með fjölskyldunni um helgar með því að skreppa í Smáralind eða Kringluna.... !!

Bara smá pælingar Wink


mbl.is Mætti selja lausasölulyf í sjálfsala
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband